தனிச்சிறப்புகள்
- மத்தியபுரீஸ்வரர் சுயம்பு மூர்த்தியாக அருள்பாலிக்கின்றார்.
- தமிழகத்தில் பிரசித்திபெற்ற சில திருக்கோவில்களிலேயே உள்ள ஸ்ரீசக்கரம் நம் சிவன் கோவில் அர்த்த மண்டப நுழைவாயிலில் உள்ளது மிகவும் சிறப்பானது.
- அதிகார நந்தி 'கயிலாய நந்தி'க்கான அனைத்து அம்சங்களையும் கொண்டுள்ளது.
- சிவபெருமானை எமன் வழிபட்டதால் இங்கும் நவக்கிரகங்கள் இல்லை என்றும் இங்கு சுயம்புமூர்த்தியாக உள்ள சிவனை வழிபட்டால் எம்பயம் நீங்கி ஆயுள்பலம் கூடும் என புராணங்களில் கூறப்பட்டுள்ளது.
- அம்மன் சன்னதி முன்பு தீர்த்தக்கிணறு அமைந்துள்ளது மிகவும் சிறப்பு.
கல்வெட்டுக்கள்
"பழங்சேபளி" என்ற ஊரில் சைவம், வைணவம், சமணம் ஆகிய மூன்றும் தழைத்து வளர்ந்திருந்தன. இந்த ஊரில் சமணப்பள்ளி இயங்கி வந்ததாகவும், இதனை உறுதிப்படுத்தும் கல்வெட்டு ஒன்று 1038 ஆம் ஆண்டைச் சேர்ந்ததாகவும் உள்ளது. இந்த கல்வெட்டு 1004 முதல் 1047 வரை ஆண்ட முதலாம் விக்ரம சோழன் காலத்தைச் சேர்ந்ததாகும். அதில் அவரது தந்தை கோகலி மூர்க்கன் என்பவர் பெயரும் காணப்படுகிறது. வட்டெழுத்தில் எழுதப்பட்ட இந்த கல்வெட்டில் 17 வரிகள் மட்டுமே கிடைத்துள்ளன."
1257 ஆம் ஆண்டைச் சேர்ந்த கல்வெட்டின் பதிவின்படி, இரண்டாம் விக்கிரம சோழன் பரன்சேர் பள்ளி என்ற ஊரில் உள்ள உலவறையில் ஒரு குளத்தை வெட்டினார். அந்தக் கல்வெட்டில், நான்கு எல்லைகளுக்குள் உள்ள நன்செய் மற்றும் புன்செய் நிலங்கள் தானமாக வழங்கப்பட்டதையும் குறிப்பிடப்பட்டுள்ளது.
1261 ஆம் ஆண்டைச் சேர்ந்த கல்வெட்டின்படி, இரண்டாம் விக்கிரம சோழன் பரன்சேர் பள்ளி என்ற ஊரில் அமைந்திருந்த இறைவன் "நட்டுர் அமைந்த நாயனார்" மற்றும் இறைவி "மட்டுவார் குழலி" என்று உள்ளது மற்றும் திருவிழாக்கள் நடைபெற ஏற்பாடாக தானங்கள் வழங்கியுள்ளார்.